Ամենից շատ կարդացված նյութեր

14:03 22/09/2015

Անընդունելի է, երբ հիվանդը ձեռք է բարձրացնում բժշկի վրա. ԱՆ-ն դատապարտում է

ՀՀ առողջապահության նախարարությունը խստորեն դատապարտում է «Արմենիա» հանրապետական բժշկական կենտրոնի վերակենդանացման բաժանմունքում բժշկի հանդեպ երեկ երեկոյան տեղի ունեցած բռնության փաստը։ Այդ մասին նշվում է ԱՆ պաշտոնական հաղորդագրության մեջ:

«Բռնության, ծեծի ցանկացած դեպք ինքնին դատապարտելի է։ Անընդունելի է, երբ հիվանդը ձեռք է բարձրացնում բժշկի վրա` անգամ հաշվի չառնելով, որ նրա մասնագիտական օգնությունն անհրաժեշտ է հենց իրեն։

Նման մերժելի արարքները բարոյական մեծ վնաս են հասցնում ոչ միայն բժշկին ու բուժանձնակազմին, այլև մեր ողջ հասարակությանը` ստեղծելով փոխադարձ անվստահության, անառողջ մթնոլորտ։

Վստահ ենք, որ մեղավորը կպատժվի օրենքի ամբողջ խստությամբ», -ասվում է ԱՆ հաղորդագրության մեջ:

Ավելի վաղ Panorama.am-ը տեղեկացրել էր, որ «Արմենիա» ԲԿ-ի վերակենդանացման բաժանմունքում հիվանդը արթնանալով հարձակում էր գործել բժշկի վրա ու ծեծել նրան:

Նախորդող հրապարակում`
«Արմենիա» ԲԿ-ում հնչել են կրակոցներ, հիվանդը հարձակվել է բժշկի վրա

Placeholder