«Սոսկալի տեսարան է». Գյուղացիները մի քանի գիշեր անցկացնում են գործարանների դիմաց (լուսանկարներ)

Չնայած ամենաբարձր մակարդակով հայտարարվում են, որ խաղողի մթերումը իշխանությունների ուշադրության կենտրոնում է, գյուղացիները մի քանի գիշեր է անցկացնում են վերամշակող գործարանների դիմաց։

«Սոսկալի տեսարան է։ Շիրան մեքենաների տակից չռռում է, մի քանի օրում խաղողը որակազրկվում է, գործարանն էլ գինն է իջեցնում։ 100 դրամով ընդունեցին, ասեցին թթված է։ Տասը տոննայի մեջ ամեն կիլոյի համար 40 դրամ էժան հաշվեք, տեսեք ինչքան ենք տուժում»,-ասաց Լուսառատի բնակիչներից մեկը։

Վիճակը հատկապես վատ է Պռոշյանի գործարանում, եթե ծանոթ ու բարեկամ չունեն, մի քանի օր ստիպված են մնալ գործարանի դիմաց։

Գյուղացիների՝ ֆեյսբուքում հրապարակած լուսանկարներն առավել խոսուն են։

Նախորդող հրապարակումներ՝
Վարչապետը Արարատում կրկին հանդիպել է խաղողագործներին
Գյուղացիները վարչապետի հետ հանդիպումից հետո բացել են միջպետական նշանակության ճանապարհը
Վարչապետը հանձնարարել է խաղողի մթերման ժամանակացույցի ցանկ կազմել