Ովքե՞ր կդառնան «Երևանի պատվավոր քաղաքացի»

Երևանի ավագանին վաղն արտահերթ նիստ է գումարելու, օրակարգում այլ հարցերի թվում, «Երևանի պատվավոր քաղաքացի» կոչում շնորհելու մասին մի քանի որոշման նախագծեր կան:

Քաղաքապետարանի պաշտոնական կայքէջից Panorama.am-ը տեղեկացավ, որ Երևան քաղաքի 2797-րդ տարեդարձի առթիվ «Երևանի պատվավոր քաղաքացի» կոչում կշնորհվի կոմպոզիտոր, դիրիժոր, ՀՀ արվեստի վաստակավոր գործիչ, ՀՀ ժողովրդական արտիստ, Հայաստանի հանրային ռադիոյի սիմֆոնիկ նվագախմբի գլխավոր դիրիժոր և գեղարվեստական ղեկավար Երվանդ Երզնկյանին՝ Երևան քաղաքի երաժշտաարվեստում ներդրած նշանակալի ավանդի և բազմամյա վաստակի համար:

Կոչումը կշնորհվի նաև բռնցքամարտիկ, աշխարհի բազմակի չեմպիոն Արթուր Աբրահամին (Ավետիք Գրիգորի Աբրահամյան)` սպորտի զարգացման գործում ներդրած նշանակալի ավանդի և միջազգային մրցասպարեզներում ունեցած ակնառու հաջողությունների համար:

Մայրաքաղաքի տարեդարձի առթիվ «Երևանի պատվավոր քաղաքացի» կոչում կշնորհվի երգչուհի, ՀՀ ժողովրդական արտիստ Ռաիսա Մկրտչյանին՝ ստեղծագործական ակնառու հաջողությունների, Երևան քաղաքի երաժշտարվեստում ներդրած նշանակալի ավանդի և բազմամյա վաստակի համար:

Ստեղծագործական ակնառու հաջողությունների, Երևան քաղաքի երաժշտարվեստում ներդրած նշանակալի ավանդի և բազմամյա վաստակի համար «Երևանի պատվավոր քաղաքացի» կոչում կշնորհվի երգիչ, ՀԽՍՀ ժողովրդական արտիստ Ռուբեն Մաթևոսյանին:

Ավագանու նիստի օրակարգում ընդգրկված այլ հարցերի մասին կարդացեք՝
Քաղաքապետարանը տուն կնվիրի Համով Զառային
Զառա Արամյանը չի պատրաստվում հրաժարվել բնակարանից