Բրիտանացի լրագրողը մահացել է Ստամբուլի օդանավակայանում

Բրիտանացի լրագրող Ժակլին Սաթոնը կասկածելի հանգամանքներով մահացել է Ստամբուլի օդանավակայանում: Այս մասին գրում է Գազետա.ռու-ն՝ հղում անելով The Guardian-ին:

Մահվան հանգամանքները հայտնի չեն, ժուռնալիստի գործընկերները պահանջում են միջազգային հետաքննություն անցկացնել:

Ժուռնալիստը երկար տարիների համագործակցել է բարեգործական կազմակերպությունների և ՄԱԿ-ի հետ, ինչպես նաև աշխատել է «Բի-Բի-Սի»-ում որպես պրոդյուսեր: Բացի այդ, Սաթոնը զբաղվել է կանանց իրավունքների մասին հետազոտություններով՝ աշխատելով Իրաքի և Աֆղանստանի լրատավամիջոցներում:

Միաժամանակ, ժուռնալիստը աշխատել է դոկտորական աստիճան ստանալու ուղղությամբ: