Իրան-Հայաստան գործարար համաժողով՝ Թեհրանում

«Թեհրանում տեղի կունենա Իրան-Հայաստան գործարար համաժողովը»,-այդ մասին հաղորդում է իրանահայ համայնքի «Հայելի.քոմ» կայքը:

Համաձայն հաղորդագրության՝ ս.թ. նոյեմբերի 9-ին ժամը 13:00-ին Իրանի առևտրի, հանքերի, արդյունաբերության և գյուղատնտեսության պալատում տեղի է ունենալու Հայաստան-Իրան գործարար համաժողովը, որին կմասնակցեն ՀՀ էկոնոմիկայի նախարար՝ Կարեն Ճշմարիտյանը, ԻԻՀ առևտրի, հանքերի և արդյունաբերության նախարար Մոհամմադ Ռեզա Նեմաթզադեն, ինչպես նաև երկու երկրների պետական մարմինների ներկայացուցիչներ և բազմաթիվ գործարարներ:

Հավելենք, որ նախօրեին «Երևան Էքսպո» ցուցահանդեսային համալիրում բացվել է «Իրան-Եվրասիա Էքսպո 2015» ցուցահանդեսը, որին մասնակցում են Իրանից, Հայաստանից, Վրաստանից ու Ռուսաստանից կազմակերպություններ: