Ամենից շատ կարդացված նյութեր
.jpg "Վարդուհի Վարդերեսյանի կյանքն իսկական նվիրում էր մշակույթին. ԱԺ նախագահ")
Վարդուհի Վարդերեսյանի կյանքն իսկական նվիրում էր մշակույթին. ԱԺ նախագահ
ՀՀ ԱԺ նախագահ Գալուստ Սահակյանի ցավակցական ուղերձը Վարդուհի Վարդերեսյանի մահվան կապակցությամբ:
«Խորապես վշտացած եմ ժողովրդական արտիստուհի, տաղանդավոր դերասանուհի Վարդուհի Վարդերեսյանի մահվան կապակցությամբ:
Վարդուհի Վարդերեսյանի կյանքն իսկական նվիրում էր մշակույթին, մասնավորապես թատրոնին ու կինոյին, որտեղ խաղացած բազում անկրկնելի դերերով ու կերպարների ինքնատիպ մարմնավորումով նա զարգացրեց հայկական դերասանական արվեստի լավագույն ավանդույթները:
Նա լուսավոր անհատականություն էր թե կյանքում, թե բեմում. այդպիսին էլ կմնա իրեն ճանաչողների հիշողության մեջ:
Կորստի այս ծանր պահին անկեղծորեն ցավակցում եմ Վարդուհի Վարդերեսյանի ընտանիքին, հարազատներին, մերձավորներին ու նրա արվեստի մեծաթիվ երկրպագուներին՝ կիսելով բոլորի վիշտը»,- ասված է ԱԺ նախագահի ցավակցական ուղերձում:
Այս մասին հայտնում են ԱԺ հասարկայնության և տեղեկատվության միջոցների հետ կապերի վարչությունից:
Studio One