Սեյրան Օհանյանը Իրանի դեսպանի հետ տարածաշրջանային հարցեր է քննարկել

Այսօր Հայաստանի Հանրապետության պաշտպանության նախարար Սեյրան Օհանյանը հանդիպում է ունեցել ՀՀ-ում Իրանի Իսլամական Հանրապետության նորանշանակ արտակարգ և լիազոր դեսպան Սեյեդ Քազեմ Սաջադիի հետ:

ՊՆ մամուլի ծառայությունից հայտնում են, որ հանդիպման ընթացքում կողմերը քննարկել են հայ-իրանական բազմաբովանդակ համագործակցությանը վերաբերող, ինչպես նաև տարածաշրջանային խնդիրներին ու հակամարտությունների կարգավորմանն առնչվող հարցեր: