Զոհեր Լիբանանում՝ հատուկ գործողության հետևանքով

Մի քանի մարդ է զոհվել Լիբանանի հյուսիսում հատուկ գործողության հետևանքով: Բի-Բի-Սի-ն գրում է, որ, նախնական տեղեկատվությամբ, հատուկ ծառայությունները գրոհել են ենթադրյալ գրոհային-իսլամիստի տունը:

Զոհվել է առնվազն երեք մարդ, ներառյալ կասկածյալը, որը պայթեցրել է ինքն իրեն: Եվս 10 հոգի, այդ թվում հատուկ ծառայությունների աշխատակիցները վնասվածքներ են ստացել:

Daily Star-ը գրում է, որ պայթյունի հետևանքով զոհվել է մահապարտը և նրա ընտանիքի անդամները, վեց մարդ վիրավորվել է: