Շառլ Ազնավուրը հիշեցրել է Սպիտակի երկրաշարժի մասին

Ֆրանսահայ լեգենդար շանսոնյե Շառլ Ազնավուրն իր ֆեյսբուքյան էջում տեղադրել է «Քեզ համար, Հայաստան» («Pour toi Arménie») երգը, արել գրառում: 

«Դեկտեմբերի 7,  1988 թվական: Հայաստանում տեղի ունեցավ սարսափելի երկրաշարժ, որի  հետևանքով ավերածություններ եղան, տասնյակ հազարավոր մարդիկ զոհվեցին, հարյուր հազարավորներն անօթևան մնացին»,- նշված է գրառման մեջ:

1988 թ-ի Սպիտակի երկրաշարժից անմիջապես հետո Հայաստանի Ազգային հերոս Շառլ Ազնավուրը Փարիզում կազմակերպել է երկրաշարժից տուժածների օգնության` «Ազնավուրը Հայաստանին» հիմնադրամը, 1993 թ-ին բացվել է կազմակերպության երևանյան ներկայացուցչությունը: 1988 թ-ից  բարեգործական առաքելությամբ բազմիցս եղել է Հայաստանում, կազմակերպել նվիրատվություններ, բարեգործական համերգներ և այլն:

1989 թվականին հայազգի ռեժիսոր Անրի Վերնելի հետ Ազնավուրը կոչ է անում ֆրանսիացի արտիստներին միասին տեսահոլովակ նկարահանել: Իննսուն երգիչ ու դերասան ձայնագրում են «Քեզ համար Հայաստան» երգը, որ վաճառվում է միլիոնավոր օրինակներով: