Զինվոր է վիրավորվել. Նրա վիճակը կայուն ծանր է

Դեկտեմբերի 9-ին  վիրավորվել է զինծառայող Ռազմիկ Աբրահամյանը, ում գիշերը տեղափոխել են Կենտրոնական կլինիկական զինվորական հոսպիտալ: Այս մասին Panorama.am-ին հայտնեց ՊՆ մամուլի խոսնակ Արծրուն Հովհաննիսյանը:

Կենտրոնական կլինիկական զինվորական հոսպիտալի փոխտնօրեն Արտաշես Խաչատրյանը Panorama.am-ին հայտնեց, որ զինծառայողը ստացել է կրծքավանդակի ձախ կեսի թափանցող գնդակային վիրավորում:

«Նրան գիշերը վիրահատել ենք, վիճակը գնահատվում է կայուն ծանր, գիտակցությունը տեղն է»,- ասաց Ա.Խաչատրյանը: