Իրանն ու Հայաստանը առողջապահության ոլորտում համագործակցության մասին հուշագիր են ստորագրել

«Իրանն ու Հայաստանը առողջապահության ոլորտում համագործակցության մասին հուշագիր են ստորագրել»,-այդ մասին հաղորդում է իրանական «ԻՌՆԱ» լրատվական գործակալությունը:

Համաձայն հաղորդագրության՝ ՀՀ առողջապահության նախարար Արմեն Մուրադյանը Թեհրան կատարած այցի շրջանակներում ԻԻՀ առողջապահության նախարար Սեյյեդ Հասան Հաշեմիի հետ հանդիպմանը քննարկել է առողջապահության, բժշկական կրթության, դեղագործության ոլորտներում երկկողմ համագործակցության հնարավորություններին առնչվող հարցեր: