Մայքլ Ջեքսոնի Thriller ալբոմի 30 միլիոն օրինակ է ԱՄՆ-ում վաճառվել

Վեց տարի առաջ մահացած ամերիկացի փոփ-կատարող Մայքլ Ջեքսոնի հայտնի Thriller ալբոմը դաձել է պատմության մեջ առաջին ձայնասկավառակը, որը ԱՄՆ-ում վաճառվել է 30 միլիոն օրինակով: ՏԱՍՍ-ի հաղորդմամբ, այս մասին հայտնել են Ձայնագրման ընկերությունների ամերիկյան ասոցացիայից (RIAA): 

Thriller ալբոմը թողարկվել է 1982 թվականին: Այն քննադատների կողմից ճանաչվել է  պատմության մեջ ամենաակնառու փոփ-ալբոմներից մեկը: Արդեն 1984 թվականին ալբոմը ԱՄՆ-ում վաճառվել էր 20 միլիոն օրինակով: