Ամենից շատ կարդացված նյութեր
.jpg "Քաղաքական գործողությունների նոր փուլ կսկսվի Հայաստանում. քաղաքագետ")
«Մենք դեռ քաղաքական իներցիայով գտնվում ենք սահմանադրական բարեփոխումների իրադարձությունների ներքո, չնայած որ քաղաքական առումով այդ կետն արդեն անցած է»,-լրագրողների հետ հանդիպմանն ասաց քաղաքագետ Սերգեյ Մինասյանը՝ անդրադառնալով ներքին քաղաքական կյանքի ներկայիս գործընթացներին:
Նա նշեց, որ պետք է պատրաստվել նոր քաղաքական իրականության, որտեղ 2017-ի ընտրությունները կդառնան ՀՀ նորագույն պատմության կարևորագուն իրադարձությունը:
«Գերտերություններից և միջազգային կազմակերպություններից արձագանք եղավ, չնայած ուշադրությունը այդքան մեծ չէր, որքան լինում է նախագահական կամ խորհրդարանական ընտրությունների ժամանակ: Դա կապված էր նրանով, որ սա ընտրություն չէր, այլ՝ հանրաքվե»,-ասաց քաղաքագետը:
Ըստ Մինասյանի՝ պետք է սպասել նոր ակտիվ դաշինքների ստեղծման. «Քաղաքական գործողությունների նոր փուլ կսկսվի Հայաստանում, սակայն դա երևի թե կլինի գարնանը և ամռանը»:
Ինչ վերաբերում է տարածաշրջանային ազդակներին Հայաստանի վրա, քաղաքագետը նկատեց, որ դրանք այդքան էլ հեռու չեն և այդ առումով ՀՀ-ն և հայությունը ուղղակի և անուղղակի ներգրավված են սիրիական հակամարտությանը:
«Մեր երկրի վրա ահաբեկչական վտանգը մեղմ է և չափավոր, ավելին չի, քան հարևան Վրաստանի դեպքում»,-հավելեց Սերգեյ Մինասյանը:
Studio One