Հայաստանի հավաքականը մարտին կանցկացնի 2 ընկերական հանդիպում

2016 թ. մարտի 21-29-ը ՖԻՖԱ-ի կողմից սահմանված է որպես միջազգային ընկերական հանդիպումներ անցկացնելու ժամանակահատված: Հայաստանի ֆուտբոլի ֆեդերացիայի և Բելառուսի ֆուտբոլի ֆեդերացիայի միջև արդեն ձեռք է բերվել համաձայնություն՝ ընկերական խաղերի համար նախատեսված առաջին օրը Երևանում ընկերական հանդիպում անցկացնելու կապակցությամբ:

Ինչպես տեղեկացնում է ՀՖՖ պաշտոնական կայքը, այժմ բանակցություններ են վարվում նշված ժամանակահատվածում ևս մեկ ընկերական հանդիպում անցկացնելու վերաբերյալ: