Ամենից շատ կարդացված նյութեր
.jpg "Գեներալ Ֆիրուզաբադի. Իրանցի հրամանատարների բարի կամքի շնորհիվ ամերիկացի զինվորականները նոր աղետի չհանդիպեցին")
Գեներալ Ֆիրուզաբադի. Իրանցի հրամանատարների բարի կամքի շնորհիվ ամերիկացի զինվորականները նոր աղետի չհանդիպեցին
«ԱՄՆ պետքարտուղար Ջոն Քերին ամերիկացի զինվորականներին ազատ արձակելու համար շնորհակալություն է հայտնել Իրանին»,-այդ մասին հաղորդում է իրանական «ԻՌՆԱ» լրատվական գործակալությունը:
Նշենք, որ ԻՀՊԿ ռազմածովային ուժերը Պարսից ծոցի հյուսիսում Իրանի ջրային սահմաններն անօրինական մուտք գործելու համար ձերբակալել էին ամերիկացի 10 զինվորականի: Որոշ ժամանակ անց ԻՀՊԿ-ն հայտարարություն տարածեց՝ նշելով, որ ձերբակալված ամերիկացիներն ազատ են արձակվել, քանի որ քննությամբ պարզվել է, որ նրանք միտումնավոր չեն հատել Իրանի ջրային տարածքը:
«ԻՌՆԱ»-ի փոխանցմամբ՝ ԻԻՀ ԶՈւ ԳՇ պետ, բրիգադի գեներալ Սեյյեդ Հասան Ֆիրուզաբադին, արձագանքնելով վերոնշյալ միջադեպին, մասնավորապես հայտարարել է. «Եթե չլիներ իրանցի հրամանատարների բարի կամքը, ապա ամերիկացի զինվորականները նոր աղետի կհանդիպեին: Ամերիկացի այն կոնգրեսականները, որոնք ամեն օր հակաիրանական նախագծեր են մշակում և ցանկանում են Իրանի համար խնդիրներ ստեղծել, իրականում ճիշտ տեղեկատվություն չունեն և փակ աչքերով, իրականությունից կտրված ի վնաս ԱՄՆ ժողովրդի՝ քայլեր են ձեռնարկում»:
«Հուսով ենք Պարսից ծոցում տեղի ունեցած միջադեպը, որը հավանաբար տարածաշրջանում ԱՄՆ զինված ուժերի կողմից գործած վերջին սխալը չի լինի, դաս կլինի ԱՄՆ Կոնգրեսի համար»,-հավելել է գեներալ Ֆիրուզաբադին:
Studio One