Դի Կապրիոն ասել է, որ մեծ հաճույքով կմարմնավորեր Պուտինին

Հոլիվուդյան հայտնի դերասան Լեոնարդո Դի Կապրիոն գերմանական Welt am Sonntag պարբերականին տված հարցազրույցում պատմել է, որ մեծ սիրով կմարմնավորեր ՌԴ նախագահ Վլադիմիր Պուտինի կերպարը, փոխանցում է «Russia Today»-ը:

«Պուտին խաղալը շատ, շատ, շատ հետաքրքիր կլիներ, և ես մեծ հաճույքով կխաղայի», -ասել է դերասանը: Նա նաև հայտնել է, որ մի քանի տարի առաջ անձամբ հանդիպել է Պուտինի հետ Սանկտ Պետերբուրգում, սիբիրյան վագրերի փրկության մասին կազմակերպված գագաթաժողովում:

«Իմ հիմնադրամը ֆինանսական աջակցություն է ցուցաբերել այդ վագրերի փրկության նպատակով: Պուտինը և ես խոսել ենք այդ գեղեցիկ կենդանիների փրկության մասին և ոչ մի քաղաքականության», -ասել է Դի Կապրիոն: