Հարկադիր պարապուրդը չի կարող անդրադառնալ աշխատավարձերի վրա. քաղաքապետ

Երևանի քաղաքապետարանի ենթակայության ուսումնակրթական հաստատություններում ձմեռային արձակուրդների երկարաձգման հետ կապված՝ այդ հաստատությունների աշխատակիցների աշխատավարձերից պահումներ չեն լինի:  Այս մասին հայտնում են քաղաքապետարանի հասարակայնության հետ կապերի վարչությունից:

«Շրջանառվող լուրերը, թե պահումներ կարվեն աշխատակիցների աշխատավարձերից, չի համապատասխանում իրականությանը: Տվյալ հաստատությունների մեր բոլոր աշխատակիցներն իրենց հասանելիք աշխատավարձերը կստանան ամբողջությամբ», - ասել է Տարոն Մարգարյանը: