Ամենից շատ կարդացված նյութեր
.jpg "Սամվել Մարտիրոսյան. ՀՀ դեսպանատների կայքերը ենթարկվել են զանգվածային հաքերային հարձակման (Լրացված)")
Սամվել Մարտիրոսյան. ՀՀ դեսպանատների կայքերը ենթարկվել են զանգվածային հաքերային հարձակման (Լրացված)
Տեղեկատվական անվտանգության փորձագետ Սամվել Մարտիրոսյանը տեղեկացնում է, որ ադրբեջանական հաքերները շարունակում են հունվարի 20-ին նվիրված գործողությունները։
«ՀՀ դեսպանատների կայքերը ենթարկվել են զանգվածային հաքերային հարձակման: Նախորդ հարձակման ենթարկված կայքերի ցուցակն է:
Այս պահին ադրբեջանական պատկերները կայքերից հեռացված են, փաստացի, այս պահին ոչ մի դեսպանատան կայք չի աշխատում։ Սա առաջին լուրջ հարձակումն է ՀՀ պետական ցանցի հատվածի վրա 2009 թվականի սեպտեմբերից»,-տեղեկացնում է Մարտիրոսյանը:
ԱԳՆ-ն ավելի ուշ արձագանքելով այս տեղեկատվությանը, հայտարարեց.
«ՀՀ դեսպանությունների պաշտոնական կայքէջերը կոտրելու վերաբերյալ տեղեկատվությունը չի համապատասխանում իրականությանը: Դեսպանությունների պաշտոնական կայքէջերի նկատմամբ իրականացվել է ծավալուն հաքերային հարձակում, որի զարգացումը կանխելու նպատակով, ելնելով անվտանգության նկատառումներից՝ ԱԳՆ մասնագետների կողմից ՀՀ դեսպանությունների պաշտոնական կայքերի գործունեությունը ժամանակավորապես դադարեցվել է: Իրականացվում են համապատասխան աշխատանքներ կայքէջերի բնականոն գործունեությունը հնարավորինս սեղմ ժամկետներում վերականգնելու համար»:
Studio One