Կիևում գրիպից 37 մարդ է մահացել

Կիևում գրիպի համաճարակի բռնկումից հետո արդեն 37 մարդ է մահացել: Այս մասին հայտարարել է Կիևի քաղաքապետարանի առողջապահության վարչության բաժնի պետ Տատյանա Դոնչենկոն, գրում է Korrespondent-ը:

Փետրվարի 3-ի տվյալներով Ուկրաինայի մայրաքաղաքի հիվանդանոցներում գտնվում է 1059 հիվանդ, 742-ը՝ սուր շնչառական վարակով, իսկ 317-ը գրիպով հիվանդ, որոնցից 31-ն էլ գտնվում են վերակենդանացման բաժնում:

Ընդհանուր առմամբ՝ Կիևում արձանագրվել է 5704  գրիպով և սուր շնչառական վարակով հիվանդ: