Ամենից շատ կարդացված նյութեր
.jpg "Քեոփսի բուրգի գագաթին բարձրացած զբոսաշրջիկն այլևս երբեք չի կարող այցելել Եգիպտոս")
Քեոփսի բուրգի գագաթին բարձրացած զբոսաշրջիկն այլևս երբեք չի կարող այցելել Եգիպտոս
Եգիպտոսի իշխանություններն ընդմիշտ արգելել են 18 տարեկան գերմանացի զբոսաշրջիկին այցելել իրենց երկիր: Նա խախտել է օրենքը և բարձրացել Գիզայում 139 մետր բարձրություն ունեցող Քեոփսի բուրգի գագաթին: Այս մասին գրում է Ռիա նովոստին:
Նման որոշում է ընդունել Եգիպտոսի հնությունների հարցերով նախարարությունը: Օրինախախտի խոսքով, երբ ինքը բարձրանում էր, բուրգի ներքում գտնվող մարդիկ արաբերեն ինչ-որ բան են բղավել և կանչել են ոստիկանություն, բայց որոշել է շարունակել բարձրանալ:
«Ես կարծում էի՝ բուրգի գագաթից լուսանկարելու համար արժի դա անել»,- ասել է զբոսաշրջիկը:
Եգիպտոսում նման օրինախախտներին դատապարտում են մինչև երեք տարի ազատազրկման: Բայց գերմանացու բախտը բերել է. ոստիկանությունում հարցաքննելուց հետո նրան ազատ են արձակել և նույնիսկ թույլ են տվել շարունակել ճանապարհորդությունը: Զգուշացրել են, որ ընդմիշտ արգելում են իրեն այցելել Եգիպտոս:
Նշվում է, որ երիտասարդը նախկինում էլ համացանցում տեղադրել էր լուսանկարներ՝ արված Նյու Յորքի և Հոնկոնգի երկրաքերերից:
Studio One