Արտակարգ իրավիճակ «Մալաթիա» տոնավաճառի հարևանությամբ

«Մալաթիա» տոնավաճառի հարևանությամբ արտակարգ իրավիճակ է ստեղծվել: Րաֆֆու փողոցը փակել են տոնավաճառի տարածքում տաղավարներ վարձակալած մարդիկ: Նրանք տոնավաճառի տնօրինությունից ու կառավարությունից պահանջում են նվազեցնել վարձի չափը, քանի որ նվազել են առևտրի ծավալները:

Երթևեկությունը խափանված է, դեպքի վայրում աշխատում են ոստիկանները, քիչ առաջ այստեղ եկավ նաև Երևանի փոխոստիկանապետ Վալերի Օսիպյանը:

Րոպեներ առաջ վաճառականներից մի քանիսը խումբ կազմեցին՝ տնօրեն Սամվել Ավետիսյանի հետ հանդիպելու, պահանջները ներկայացնելու համար: