Մահացել է էստոնացի դիրիժոր Էրի Կլասը

77 տարեկանում մահացել է էստոնացի դիրիժոր, ԽՍՀՄ ժողովրդական արտիստ Էրի Կլասը: Նա ծանր հիվանդ է եղել: Այս մասին հայտնում է Ինտերֆաքսը:

Կլասը ծնվել է 1939 թվականի հունիսի 7-ին Տալլինում: Նա համարվում է աշխարհում ամենահայտնի էստոնացի երաժիշտներից մեկը:

Նա եղել է Ստոկհոլմի թագավորական օպերայի գլխավոր դիրիժորը, ղեկավարել է Դանիայի սիմֆոնիկ նվագախումբը, Նիդեռլանդների ռադիոյի և հեռուսատեսության նվագախումբը:

Իր կարիեայի ընթացքում Կլասն աշխատել է ավելի քան 100 սիմֆոնիկ նվագախմբերի հետ աշխարհի 40 երկրից, այդ թվում նաև Բեռլինի, Համբուրգի, Մյունխենի, Լոս Անջելեսի, Տոկիոյի, Սիդնեյի, Չիկագոյի, Բոստոնի, Մոնրեալի, Քլիվլենդի: