Արթուր Ալեքսանյանը գլխավորում է ըմբշամարտի համաշխարհային միության վարկանշային սանդղակը

Օլիմպիական խաղերի բրոնզե մեդալակիր, աշխարհի կրկնակի և Եվրոպայի առաջնության եռակի չեմպիոն Արթուր Ալեքսանյանը լավագույնն է 98 կգ քաշային կարգում:

Ըմբշամարտի համաշխարհային միության հրապարակած դասակարգման ցուցակում 66 կգ  քաշային կարգում Եվրոպական առաջին խաղերի արծաթե մեդալակիր Միհրան Հարությունյանը 4-րդ տեղում է: Այս մասին տեղեկացնում է ՀԱՕԿ-ի պաշտոնական կայքը:

75 կգ քաշային աշխարհի և Եվրոպայի չեմպիոն Արսեն Ջուլֆալակյանը 9-րդն է, իսկ Հայաստանի հավաքականի անդամ Կարապետ Չալյանը՝ 13-րդ: 80 կգ քաշային Ռաֆիկ Մանուկյանը 17-րդն է:

Ըմբշամարտի համաշխարհային միությունը վարկանշային նոր աղյուսակը կազմել է Դան Կոլովի և Նիկոլա Պետրովի անվան ըմբշամարտի միջազգային մրցաշարի արդյունքներով: