Ամենից շատ կարդացված նյութեր
.jpg "Ամալ Քլունին պատասխանել է ադրբեջանցիներին")
Այնպես է ստացվել, որ ես հայկական արմատներ չունեմ, բայց չեմ էլ հասկանում, թե դա ինչ նշանակություն կարող է ունենալ: Այս մասին «Ազատություն» ռադիոկայանի եվրոպական ծառայությանը տված հարցազրույցում ասել է հայտնի իրավապաշտպան Ամալ Քլունին՝ անդրադառնալով ադրբեջանցիների կողմից իրեն հայկական արմատներ վերագրելուն:
«Չեմ պատկերացնում, թե որևէ ազգության իմ պատկանելը, ինչպիսին էլ որ այն լինի, պետք է հեղինակազրկի ինձ: Այն փաստը, որ ես ներկայացրել եմ Հայաստանի շահերը, ինձ հայ չի դարձնում»,- նշել է Ամալ Քլունին:
Ծառայությունը հիշեցնում է, որ Ադրբեջանում թե պաշտոնական և թե հասարակության մակարդակում սկսեցին մեղադրանքներ և քննադատություններ տեղալ հայտնի իրավապաշտպանի հասցեին այն բանից հետո, երբ վերջինս «Դողու Փերինչեքն ընդդեմ Շվեյցարիայի» գործով ՄԻԵԴ-ում ներկայացրել էր Հայաստանի կառավարության շահերը: Ծառայությունը նաև հիշեցնում է, որ Քլունիի ամուսինը՝ հայտնի դերասան Ջորջ Քլունին, աջակցում է Հայոց ցեղասպանության զոհերի հիշատակին նվիրված «100 կյանք» հիմնադրամին:
Ամալ Քլունիի նկատմամբ «հարձակումները» Ադրբեջանում պայմանավորված են նաև այն հանգամանքով, որ նա ստանձնել է ձերբակալված հայտնի լրագրող Խադիջա Իսմայիլովայի շահերի պաշտպանությունը՝ ՄԻԵԴ-ում ընդդեմ Ադրբեջանի կառավարության:
Իր հերթին Խադիջա Իսմայիլով նշել է, որ ինքը Քլունիին ընտրել է, քանի որ գոհ է նրա պաշտպանությունից, իսկ հայկական արմատներ ունենալու մասին հարցեր չի տվել, քանզի «քաղաքակիրթ աշխարհում նման հարցեր չեն տալիս»:
Studio One