Աթլետիկայի աշխարհի առաջնությանը Հայաստանը ներկայացել է մեկ մարզիկով

Ամերիկայի Միացյալ Նահանգներում մեկնարկում է աթլետիկայի աշխարհի առաջնությունը, որին Հայաստանը ներկայացել է մեկ մարզիկով: Այս մասին հայտնում է ՀԱՕԿ-ի պաշտոնական կայքը:

ԱՄՆ Փորթլանդ քաղաքում անցկացվող աշխարհի առաջնության կանանց 400 մետր վազքում Հայաստանը ներկայացնում է Ամալյա Շառոյանը: Այս մրցաձևին մասնակցում են 19 մարզիկներ:

Աթլետիկայի մեծահասակների աշխարհի առաջնությունը մեկնարկել է մարտի 18-ին և կեզրափակվի մարտի 20-ին: Այն Ռիոյի Օլիմպիական խաղերի համար վարկանշային մրցաշար է: