Լևոն Արոնյանը պարտվեց Վիշվանաթան Անանդին

Աշխարհի շախմատի չեմպիոնի կոչման հավակնորդների մրցաշարի 9-րդ տուրում Լևոն Արոնյանը սև խաղաքարերով զիջեց աշխարհի նախկին չեմպիոն Վիշվանաթան Անանդին: Հիկարու Նակամուրա-Սերգեյ Կարյակին, Անիշ Գիրի-Ֆաբիանո Կարուանա, Վեսելին Տոպալով-Պյոտր Սվիդլեր պարտիաներն ավարտվեցին ոչ-ոքի արդյունքով:

Հաշվետու տուրից հետո Կարյակինն ու Անանդը 5,5-ական միավորով գլխավորում են մրցաշարային աղյուսակը: Կարուանան ու Արոնյանն իրենց ակտիվում 5-ական միավոր ունեն, Գիրին՝ 5, Սվիդլերը՝ 4, Նակամուրան՝ 3,5, Տոպալովը՝ 3 միավոր:

Հաջորդ տուրում Արոնյանը կխաղա Տոպալովի, Կարուանան՝ Անանդի, Կարյակինը՝ Գիրիի, Սվիդլերը՝ Նակամուրայի հետ: