Փորձագետ. Հայկական զինուժը հնարավորություն է ստացել հարվածելու հակառակորդի սնուցման հանգույցներին

Հայկական զինուժը հակառակորդի առաջխաղացումը կանխելու ու հետ շպրտելուց բացի մի քանի ուղղություններով այնպիսի դիրքային առավելություններ է  ստացել, ինչը հնարավորություն է տվել շփման գծի որոշ հատվածներում հարվածներ հասցնել հակառակորդի, այսպես կոչված, սնուցման հանգույցներին: Այս մասին գրել է փորձագետ Տիգրան Աբրահամյանը:

«ՊՆ խոսնակն արդեն հայտնել է, որ ոչնչացվել են ադրբեջանական ամբողջական ստորաբաժանումներ, որոնք փորձել են տեղափոխվել առաջնագիծ:

Այս պահին առաջնագծում հայկական զինուժի առավելությունն ապահովելուն ուղղված լուրջ կազմակերպչական աշխատանքներ են իրականացվում բոլոր ուղղություններով»,-գրել է Տ. Աբրահամյանը: