Վիրավորների բուժման հետագա ռազմավարությունը որոշելու նպատակով պարբերաբար հրավիրվում են բժշկական կոնսիլիումներ

ՀՀ առողջապահության նախարար Արմեն Մուրադյանն այսօր հերթական  այցով եղել ՀՀ ՊՆ կենտրոնական կլինիկական զինվորական հոսպիտալում: Նախարարը հետաքրքրվել է բոլոր Լեռնային Ղարաբաղի հակամարտության գոտում մարտական գործողությունների հետևանքով տուժածների առողջական վիճակով, զրուցել նրանց հետ։  Զինվորական հոսպիտալում բուժում է ստանում 36 վիրավոր: Հայտնում են ԱՆ լրատվական ծառայությունից:

Բժիշկների տեղեկացմամբ` տուժածների առողջական վիճակում  առկա է դրական տեղաշարժ: Բոլոր ծանր հիվանդների վերաբերյալ զեկուցվում է ՀՀ առողջապահության նախարարին: Վիրավորների բուժման մանրամասները քննարկելու և հետագա ռազմավարությունը որոշելու նպատակով պարբերաբար հրավիրվում են բժշկական կոնսիլիումներ: