Լևոն Արոնյանը` «Norway Chess» գերհզոր մրցաշարում

Նորվեգիայի Ստավանգեր քաղաքում այսօր մեկնարկում է «Norway Chess-2016» գերհզոր մրցաշարը, որին մասնակցում է Հայաստանի շախմատի հավաքականի անդամ, գրոսմայստեր Լևոն Արոնյանը:

Մրցաշարում Արոնյանի մրցակիցները կլինեն աշխարհի չեմպիոն Մագնուս Կարլսենը, աշխարհի նախկին չեմպիոններ Վլադիմիր Կրամնիկը ու Վեսելին Թոփալովը, ինչպես նաև գրոսմայստերներ Անիշ Գիրին, Մաքսիմ Վաշիե-Լագրավը,  Լի Չաոն, Պավել Էլյանովը, Պենդալա Հարիկրիշնան և Նիլս Գրանդելիուսը:

Այսօր նախատեսված է անցկացնել կայծակնային վիճակահանություն-մրցաշար, որը կսկսվի Երևանի ժամանակով 19.30-ին: