12-ամյա հայ շախմատիստը երկրորդ տեղը գրավեց Ֆրանսիայի առաջնությունում

Ավարտվեցին Ֆրանսիայի պատանեկան առաջնությունները: Մինչև 12 տարեկանների մրցաշարում հանդես էր գալիս նաև Ֆրանսիան ներկայացնող մեր հայրենակից Սաֆար Հարությունյանը, ով մրցաշարում հասավ հիանալի հաջողության: Մեր հայրենակիցը 9 հնարավորից վաստակեց 7 միավոր և, միայն կես միավորով հետ մնալով մրցաշարի հաղթող Թոմ Դեկյուներից, գրավեց երկրորդ հորիզոնականը: Այս մասին տեղեկացնում է chessfed.am-ը:

Այս արդյունքի շնորհիվ Հարությունյանն իրավունք ստացավ՝ մասնակցելու աշխարհի ու Եվրոպայի պատանեկան առաջնություններին:

Ավելացնենք, որ Սաֆար Հարությունյանի մարզիչն Է Վրեժ Օրդյանը: