Դատարանը Johnson & Johnson ընկերությանը պարտավորեցրել է 55 միլիոն դոլար վճարել

ԱՄՆ Միսսուրի նահանգի դատարանը Johnson & Johnson ընկերությանը պարտավորեցրել է 55 միլիոն դոլար վճարել Գլորիա Ռիսթեսանդին: Այս մասին գրում է Գազետա.ռու-ն՝ հղում անելով  The Guardian-ին:

Դատական հայցով կինը նշել է, որ երկար տարիներ օգտագործելով ընկերության արտադրանքը, այն  իր մոտ ձվարանի քաղցկեղ է առաջացրել, ինչի արդյունքում նրա արգանդը հեռացրել են:

Իր հերթին ընկերությունը հայտարարել է, որ  դատարանի որոշումն իրենք մտադիր են բողոքարկել: