Քաղաքացիական լրագրության տեսանկյունից Հայաստանը գնահատվում է որպես ազատ երկիր. Ս. Մարտիրոսյան

Մամուլի ազատությունը գնահատող հասարակական կազմակերպությունների հայացքով՝ Հայաստանը ոչ ազատ կամ կիսաազատ մամուլ ունեցող երկիր է: Այսօր լրագրողենրի հետ հանդիպմանն ասաց տեղեկատվական անվտանգության փորձագետ Սամվել Մարտիրոսյանը:

Նշենք, որ մայիսի 3-ը մամուլի ազատության համաշխարհային օրն է:

Մասնագետը հիշեցրեց, որ ըստ «Ֆրիդոմ հաուսի»  Հայաստանը ոչ ազատ լրագրություն ունեցող երկիր է, իսկ «Լրագրողներ առանց սահմանների» կազմակերպության գնահատմամբ՝  միջին մակարդակում է գտնվում:

«Ըստ բնագավառների նայելով՝ ապա տարբեր ձև են գնահատվում լրատամիջոցների տարբերը դաշտերը: Օրինակ ինտերնետի ազատության տեսանկյունից Հայաստանը համարվում է ազատ, այսինքն՝ ցանցային մամուլի և քաղաքացիական լրագրության տեսանկյունից Հայաստանը գնահատվում է որպես ազատ երկիր»,-ավելացրեց Սամվել Մարտիրոսյանը: