ՊՆ-ին պետք է լրացուցիչ միջոցներ տրամադրվեն կամավորականներին ՀՀ ԶՈւ կազմում որպես պայմանագրային զինծառայողներ ներգրավելու համար. «Ժողովուրդ»

«Վերջին օրերին  Երևանի և տարբեր մարզերի բնակիչներին զանգահարում են  զինկոմիսարիատի  աշխատակիցները  և ճշտում,  թե արդյոք նրանք չեն  ցանկանում են կամավոր  հիմունքներով  մեկնել  սահման:  Քառօրյա պատերազմի  առաջին  օրերին  սահման մեկնելու  պատրաստ մեծ  թվով  կամավորականների  հոսքից հետո, թվում էր,  թե ՀՀ զինված ուժերը  այլևս համալրման  կարիք չունեն»,-գրել է «Ժողովուրդ»-ը: 

«Ակնհայտ է, որ ստեղծված իրավիճակը  մեկ լուծում ունի. ՀՀ կառավարությունը  պետք է լրացուցիչ  միջոցներ հատկացնի  ՊՆ-ին, որպեսզի այդ կառույցը  սահման գնալու  ցանկացող  կամավորականներին  ՀՀ ԶՈՒ  կազմում  ներգրավի՝ որպես  պայմանագրային  զինծառայողների:  Ամսական մեկ միլիարդ  դրամը  լիարժեք  բավարար է  այս խնդիրն  ամբողջությամբ  լուծելու համար: Միայն պաթոսով  ընտանիքները  չեն կերակրվում»,-հավելել է «Ժողովուրդ»-ը: