WhatsApp-ը ծրագիր է մշակել համակարգիչների համար

WhatsApp ընկերությունը համանուն մեսինջեր է ներկայացրել համակարգիչների համար: Գրում է «Ինտերֆաքս»-ը՝ հղում անելով ընկերության պաշտոնական բլոգին:

Համակարգչային նոր ծրագիրը հասանելի է Windows 8 և Mac OS 10.9-ը օպերացիոն համակարգերի համար: Այն ներբեռնել հնարավոր է ծրագիրը մշակողի կայքից:

Քանի որ նոր ծրագիրը սինխոնացված է բջջային սարքի WhatsApp-ի հետ, այն տրամադրում է նաև համակարգի ծանուցումները: