Անուշ Գրիգորյանը մեկնարկեց հաղթանակով

Ղազախստանի մայրաքաղաք Աստանայում մեկնարկել է կանանց բռնցքամարտի աշխարհի առաջնությունը: Մեկնարկային մենամարտում 51 կգ քաշային Անուշ Գրիգորյանը հաղթել է ուկրաինացի Տատյանա Կոբիին և դուրս եկել 1/16 եզրափակիչ: Այս մասին տեղեկացնում է ՀԱՕԿ-ի լրատվության բաժինը:

Հիշեցնենք, որ այսօր ռինգ դուրս կգա նաև Հայաստանի հավաքականի մյուս անդամ, 60 կգ քաշային Աշխեն Հովհաննիսյանը: Աշխարհի առաջնությունում յուրաքանչյուր քաշային կարգում խաղարկվում է Օլիմպիական խաղերի 4 ուղեգիր: