Հայ-Ռուսական համալսարանի թիմը՝ թենիսի միջբուհական մրցաշարի հաղթող

Երևանի Րաֆֆու անվան հիմնական դպրոցում ավարտվել է սեղանի թենիսի ավանդական միջբուհական բաց առաջնությունը, որն այս տարի կայացել է Հայաստանի ազգային օլիմպիական կոմիտեի և «Կելմեի» աջակցությամբ:

Ինչպես ՀԱՕԿ-ի պաշտոնական կայքի թղթակցի հետ զրույցում նշել է «Հայ-ռուսական երիտասարդական միասնություն» հասարակական կազմակերպության նախագահ Գոհար Ղումաշյանը, մրցաշարն անցկացվում է ամեն տարի՝ Հայաստանում Ռուսաստանի դեսպանատան հետ համատեղ:

«Ամեն տարի կազմակերպվում են տարբեր՝ շախմատի, վոլեյբոլի, բասկետբոլի և ֆուտբոլի մրցաշարեր:

Բացումն արեցինք թենիսի մրցաշարով: Այս տարի մեզ միացան Հայաստանի ազգային օլիմպիական կոմիտեն և «Կելմե» ընկերությունը, ինչի համար շատ շնորհակալ ենք»,- ասել է Ղումաշյանը:

Հաղթողներին և մասնակիցներին մրցանակներ է հանձնել ՀԱՕԿ-ի կոմերցիոն բաժնի պետ Մանե Մուրադյանը: Հաղթող է դարձել Հայ-Ռուսական համալսարանի թիմը: