Ամենից շատ կարդացված նյութեր
.jpg "Ջղայնանում էի, որ նախարարությունում ցերեկը լույսը վառ էին թողում. Սերգո Կարապետյան")
Ջղայնանում էի, որ նախարարությունում ցերեկը լույսը վառ էին թողում. Սերգո Կարապետյան
«2011 թվականից, երբ ես սկսել եմ աշխատել, մեզ մոտ ծախսերը կտրուկ նվազել են», -այսօր լրագրողների հետ ճեպազրույցում հայտարարեց Գյուղատնտեսության նախարար Սերգո Կարապետյանը` պատասխանելով կոռուպցիայի մասին հարցերին:
Նա ասաց, որ իր` նախարար նշանակվելուց հետո նախարարությունում սկսել են տնտեսել հոսանքի, ջրի վրա, իսկ գործուղումների ժամանակ էլ ինքն օգտվել է էկոնոմ դասի ծառայություններից:
«Լուրջ խնայողություններ ենք արել հենց առաջին տարվանից սկսած: Տարիների ընթացքում մենք հասել ենք այնպիսի մակարդակի, որ էլ իջեցնելու տեղ էլ չունենք:
Ես 2011 թվականից, երբ սկսել եմ աշխատել, միայն էկոնոմ կլասով եմ գնացել գործուղումների: Ես քանի որ իմ ամբողջ կյանքում տնտեսություն եմ ղեկավարել, միշտ պայքարել եմ հոսանքի, ջրի ավելորդ ծախսի դեմ: Միշտ պայքարել եմ, որ խնայողություններ լինեն: Երբ եկա նախարարություն, ջղայնանում էի, որ ցերեկը լույսը վառն էին թողում: Ազնվությամբ բան եմ ասում, որը կարող ա ձեզ համար տարօրինակ թվա: Իմ էությամբ ես էդպիսին եմ», -հայտարարեց Կարապետյանը:
Ինչ վերաբերում է կոռուպցիային, ապա նախարարի պնդմամբ, կոռուպցիոն ռիսկերը իր ղեկավարած ոլորտում «նվազագույնի են հասցված»:
«Էնպես չէ, որ մեզ մոտ կոռուպցիա կա: Մեր համակարգից աշխատողներ կան, հետաքրքրվեք բոլորից», -հավելեց նախարարը:
Հարցին, թե վերանորոգչական աշխատանքներ արդյոք չե՞ն իրականացվել նախարարությունում, Կարապետյանն ասաց, որ դրանք արվել են իր «անձնական միջոցներով»:
«Այդ ծախսերն արել եմ իմ անձնական աշխատավարձի հաշվին, ամբողջ միջանցքում նկարներ եմ փակցրել, իմ գալուց մեկ շաբաթ հետո, եթե հիշում եք, վիճակը լավ չէր», -ասաց նախարարը:
Studio One