Հայաստան այցելած զբոսաշրջիկների թիվն ավելացել է 8.6%-ով

2016 թվականի առաջին եռամսյակում Հայաստան է ժամանել  252 506 զբոսաշրջիկ: Ազգային վիճակագրական ծառայության փոխանցմամբ՝  2015թվի նույն ժամանակաշրջանի նկատմամբ ցուցանիշն աճել է 8.6%-ով:

2016թ. առաջին եռամսյակում զբոսաշրջության նպատակով հանրապետությունից մեկնել է  227 499 մարդ, կամ որ նույնն է՝  2015թ. համապատասխան ժամանակաշրջանի նկատմամբ ցուցանիշն աճել է 5.9% -ով:

Ըստ հյուրանոցային տնտեսության օբյեկտներից ստացված հաշվետվությունների տվյալների՝  2016թ. հունվար-մարտին ՀՀ  այցելած զբոսաշրջիկների 32.2%-ը բաժին է ընկնում  ԱՊՀ երկրներին, 14.6%-ը` ԵՄ երկրներին:

Այս տարվա երեք ամիսներին 35.3 տոկոսով ավելի շատ զբոսաշրջիկներ են Հայաստան եկել հարևան Իրանից: Ավելացել է նաև Կանադայից, Գերմանիայից, Ուկրիանայից ու Ռուսաստանից ժամանակ զբոսաշրջիկների թիվը: