Հակառակորդին զսպելու միակ միջոցը ուժեղանալն է. «Առավոտ»

Ըստ «Մոդուս Վիվենդի»  կենտրոնի ղեկավար  Արա Պապյանի՝ հակառակորդին զսպելու միակ  միջոցը  կոռուպցիան հաղթահարելն է, ներքին խնդիրները լուծելը, ուժեղանալը,  լուրջ ռազմամթերք ձեռք  բերելը:

«Եթե հնարավորություն կա նոր համակարգով  ապահովել  երկրի պաշտպանությունը՝ հակաօդային, հակահրթիռային, դա պետք է զարգացնել, անև պատժիչ մեխանիզմներ ունենալ։ Ադրբեջանը նոր չէ, որ արտադրում է զենքեր, համտեղ ձեռնարկություն ունի  Թուրքիայի հետ։  Մենք, չգիտես ինչու, Ադրբեջանի բոլոր հայտարարությունները՝ Զանգեզուրը գրավելու մասին, լուրջ չենք ընդունել՝ հույսներս դնելով արտաքին  ուժերի վրա, որ պետք է զսպեն։  Եթե հույսներս դնում ենք ՌԴ-ի վրա, որ պետք է զսպի, մենք պետք է  հասկանանք, որ ՌԴ-ն  չի ուզում  և չի կարող։  Մենք չենք կարող անընդհատ  մտածել, որ Ադրբեջանի այդ  հայտարարությունները  ներքին սպառման համար են»,-«Առավոտ»-ի փոխանցմամբ՝ ասել  է Պապյանը: