Ամենից շատ կարդացված նյութեր
.jpg "Ադրբեջանի կողմից օկուպացված Մարտունու, Մարտակերտի շրջանի շատ ավելի մեծ տարածքները ուշ թե շուտ վերադարձվելու են ԼՂՀ-ին. Քոչարյան")
Ադրբեջանի կողմից օկուպացված Մարտունու, Մարտակերտի շրջանի շատ ավելի մեծ տարածքները ուշ թե շուտ վերադարձվելու են ԼՂՀ-ին. Քոչարյան
«Վիեննայով հիմք դրվեց մի շատ կարևոր գործընթացի, որի էությունը այն է, որ մինչև չկա հաստատված կրակի դադարեցման ռեժիմ, վստահության միջոցներ գոյություն չունեն, դժվար է և գրեթե անհնարին է ակնկալել որևէ առաջընթաց»,- այս մասին գործադիրի նիստից հետո լրագրողների հետ զրույցում ասաց ՀՀ արտաքին գործերի նախարարի տեղակալ Շավարշ Քոչարյանը:
Լրագրողի դիտարկմանը, թե ՀՀ երկրորդ նախագահը, ԼՂՀ պաշտպանության բանակի նախկին հրամանատարը քննադատում են ՀԱՊԿ-ին՝ նշելով, որ մենք պետք է վերանայենք մեր հարաբերությունները ՀԱՊԿ-ի հետ, Շավարշ Քոչարյանը պատասխանեց. «Նախ՝ ես ուշադիր նայել եմ, այնտեղ խոսք չկա նրա մասին, որ պետք է վերանայել: Իսկ ինչ վերաբերում է մեր վերաբերմունքին՝ թե ՀԱՊԿ-ին, թե ԵԱՏՄ-ին, ապա վերջին գագաթաժողովը, որը տեղի ունեցավ Աստանայում, այնտեղ նախագահի ելույթից ամբողջությամբ կարող եք ձեզ համար պարզ պատկերացնել»:
Հարցին, թե միջազգային դիվանագիտական դաշտում ինչպե՞ս է ընկալվում այն արտահայտությունը, որ մենք կորցրել ենք 800 հա տարածք, և դրանք նշանակալի հատվածներ չեն, Շավարշ Քոչարյանը նշեց. «Եկեք արձանագրենք, որ Ադրբեջանի կողմից օկուպացված են Լեռնային Ղարաբաղի Հանրապետության Մարտունու, Մարտակերտի շրջանի շատ ավելի մեծ տարածքներ, և ուշ թե շուտ այդ տարածքները վերադարձվելու են Լեռնային Ղարաբաղի Հանրապետությանը»:
Studio One