Ամենից շատ կարդացված նյութեր

Հռոմի Պապի այցի առիթով Հայոց ցեղասպանության թանգարան-ինստիտուտում կազմակերպվելու է մեկօրյա ցուցադրություն

16:57 06/06/2016

Հայաստան

Հռոմի Պապի այցի առիթով Հայոց ցեղասպանության թանգարան-ինստիտուտում կազմակերպվելու է մեկօրյա ցուցադրություն

Հռոմի Սրբազան Քահանայապետ Ֆրանցիսկոս Պապը Հայաստան այցի ընթացքում հունիսի 25-ի կայցելի Ծիծեռնակաբերդ՝ Հայոց ցեղասպանության զոհերի հուշահամալիր և թանգարան:
Լրագրողների հետ հանդիպման ժամանակ Հայոց ցեղասպանության թանգարան-ինստիտուտի տնօրեն Հայկ Դեմոյանը տեղեկացրեց, որ Հռոմի Պապի այցի հետ կապված այդ օրը թանգարանում նախատեսել են մեկօրյա ցուցադրություն:

«Ներկայացնելու ենք կաթոլիկ եկեղեցու, նաև Հռոմի պապերի դերը որբախնամ աշխատանքում, և ինչպիսի արձագանք է ունեցել կաթոլիկ եկեղեցու կողմից: Կարևոր, հետաքրքիր, եզակի նմուշներ ենք ցուցադրելու: Կարծում ենք՝ ցուցանմուշները կհետաքրքիր Հռոմի Պապին»,- ասաց նա:

Հիշեցնենք, որ Հռոմի Սրբազան Քահանայապետ Ֆրանցիսկոս Պապի Հայաստանի Հանրապետություն եռօրյա այցը կմեկնարկի հունիսի 24-ից:

Placeholder