Երիտասարդական նվագախումբը միջազգային համբավ ունեցող երաժիշտների հետ հանդես կգա Արամ Խաչատրյան համերգասրահում

Միջազգային երաժշտական մրցույթների համաշխարհային ֆեդերացիայի գլխավոր վեհաժողովը տեղի է ունենալու Հայաստանում։ Դրա շրջանակում Երևանը կհյուրընկալի 6 աշխարհամասից 115 անդամի:  Վեհաժողովի 60-րդ տարելիցին նվիրված գալա համերգը կանցկացվի հունիսի 16-ին Արամ Խաչատրյան համերգասրահում: Հայաստանի պետական երիտասարդական նվագախումբը միջազգային համբավ ունեցող երաժիշտների հետ համատեղ կներկայացնի հագեցած համերգային ծրագիր:

Այս մասին Panorama.am-ին տեղեկացրեցին Երիտասարդական նվագախմբի մամուլի ծառայությունից: 

Հիշեցնենք, որ Արամ Խաչատրյանի անվան միջազգային մրցույթը 2013թ.-ին ընդգրկվել է Միջազգային երաժշտական մրցույթների համաշխարհային ֆեդերացիայի կազմում՝ դրա գոյության ողջ ընթացքում հանդիսանալով այդ պատվին արժանացած միակ հայկական մրցույթը: 

Նշենք, որ այս օրերին Երևանում ընթանում է  Արամ Խաչատրյանի անվան 12-րդ միջազգային մրցույթը: