Անձեռնմխելիությունից զրկված շուրջ 117 թուրք պատգամավորներ դատարանի առաջ են կանգնելու. թուրք նախարար

Անեռմխելիությունից զրկված ավելի քան 117 թուրք պատգամավորների դեմ դատական գործեր են ներկայացվել: Այս մասին «Hurriyet Daily News»-ի փոխանցմամբ հայտարարել է Թուրքիայի արդարադատության նախարար Բեքիր Բոզդաղը: 

«117 գործեր նախարարության կողմից ուղարկվել են համապատասխան դատավորներին»,- նշել է Բոզդաղը:

Ասվում է, որ Ռեջեփ Թայիփ Էրդողանի կողմից պատգամավորներին անձեռնմխելիությունից զրկելու մասին որոշման հաստատումից հետո դատական գործեր են սպառնում ավելի քան 152 թուրք պատգամավորների, ինչը կազմում է խորհրդարանում եղած պատգամավորների շուրջ 27.6 տոկոսը:

Դատական գործերը հարուցվել են հիմնականում ընդդիմադիր կուսակցությունների պատգամավորների և ղեկավար կազմի նկատմամբ: