Լևոն Արոնյանը 4-րդն է «Grand Chess» մրցաշարում

Շախմատի Հայաստանի հավաքականի անդամ Լևոն Արոնյան 4-րդ էր Grand Chess Tour մրցաշարի հերթական խաղարկությունում: Հայտնում են ՀԱՕԿ լրատվության բաժնից:

Բելգիայում կայացած կայծակնային մրցաշարում Արոնյանը, հավաքելով 14 միավոր, զբաղեցրել է 4-րդ հորիզոնականը:

Առաջին տեղում շախմատի աշխարհի չեմպիոն նորվեգացի Մագնուս Կարլսենն է` 23 միավորով: Երկրորդ և երրորդ տեղերը միմյանց հետ կիսել են Հիկարու Նակամուրան և Ուեսլի Սոն (17 միավոր):