Իրանական ԶԼՄ-ների արձագանքը Հռոմի Պապի՝ հայաստանյան այցին

Իրանական «ԻՌԻԲ», «ԻՍՆԱ», «ՖԱՐՍ» և «ՄԵՀՐ» լրատվական գործակալություններն անդրադարձել են Հռոմի Պապի՝ Հայաստան կատարած այցին:

Իրանական ԶԼՄ-ները հիմնականում կենտրոնացել են Պապի՝ Հայոց ցեղասպանության վերաբերյալ արած հայտարարությանը:

«ԻՌԻԲ»-ը գրել է, որ Հռոմի Պապը հայկական կոտորածներն անվանել է որպես ցեղասպանություն, «ՄԵՀՐ»-ը գրել է, որ Պապն Օսմանյան կայսրությունում տեղի ունեցած հայկական կոտորածները կրկին անվանել է ցեղասպանություն, իսկ «ԻՍՆԱ»-ն գրել է, որ Պապը դատապարտել է Օսմանյան Թուրքիայում կատարված Հայոց ցեղասպանությունը:

Իրանական մյուս կայքերը հիմնականում վերաթողարկել են վերոնշյալ գործակալությունների հրապարակումները: