Սիդնեյում կցուցադրվի Հայոց ցեղասպանության մասին առաջին ավստրալական ֆիլմը

Հայոց ցեղասպանության մասին առաջին ավստրալական ֆիլմը՝ «Ցեղասպանության երեխաները», ցուցադրվելու է հուլիսի 31-ին Սիդնեյում՝ Ռայդի կինոթատրոններում:

«Հայերն այսօրի» փոխանցմամբ, 62 րոպեանոց վավերագրական ֆիլմը արտադրվել է Ավստրալիայի Հայ դատի աջակցությամբ:

Ֆիլմը պատմում է հայ երեխաների տանջանքների մասին, ովքեր գոյատևել են 1915թ. Օսմանյան Կայսրության իրականացրած Հայոց ցեղասպանության ժամանակ: