Ստամբուլի օդանավակայնում պայթյուններ իրականացրածները Ռուսաստանից, Ուզբեսկտանից և Ղրղզստանից են

«Իսլամական պետություն» ահաբեկչական խմբավորման մահապարտ ահաբեկիչները, որոնք կասկածվում են Ստամբուլի Աթաթուրքի անվան օդանավակայանում պայթյուններ իրականացնելու մեջ, Ռուսաստանից, Ուզբեկստանից, Ղրղզստանից են: «Ռոյթերզ»-ի   փոխանցմամբ՝ այս մասին հայտարարել է Թուրքիայի կառավարության պաշտոնյաներից մեկը:

Աղբյուրը հիշեցնում է, որ պայթյունների հետևանքով զոհվել է 42 մարդ: Զբաղվածության ցուցանիշով Եվրոպայում երրորդ օակայանում իրականացրած պայթյուններն ամենամահաբերն էին Թուրքիայում այս տարվա ընթացքում իրականացրած ահաբեկչություններից: Պայթյունների հետևանքով 239 մարդ է վիրավորվել:

Նշվում է, որ թուրք պաշտոնյան կասկածյալների վերաբերյալ այլ մանրամասներ չի հրապարակել, նշելով, որ այլ տվյալներ քննությունը դեռ չի պարզել:

«Բժշկական խումբն աշխատում է շուրջօրյա ռեժիմով, որպեսզի ավարտին հասցնի նույնականացման գործընթացը»,-ասել է նա:

Ստամբուլի օդանավակայնի պայթյունների գործով 13 մարդ է ձերբակալվել, նրանցից 3-ըն օտարերկրացիներ են: