Ամենից շատ կարդացված նյութեր
.jpg "Լեռնային Ղարաբաղի հետ ռազմական փոխօգնության փաստաթուղթը քննարկման փուլում է. Պատգամավոր")
Լեռնային Ղարաբաղի հետ ռազմական փոխօգնության փաստաթուղթը քննարկման փուլում է. Պատգամավոր
Համաձայն պաշտոնական տեղեկությունների, Լեռնային Ղարաբաղի հետ ռազմական փոխօգնության փաստաթուղթը քննարկվում է արտաքին գործերի նախարարությունում: Ամեն անգամ, երբ մենք այդ հարցը բարձրացնում ենք, մեզ ասում են՝ հենց վերջնական պատրաստ կլինի, կուղարկենք Ազգային ժողով,- լրագրողների հետ հանդիպման ժամանակ ասաց ՀՀ ԱԺ պատգամավոր, արտաքին հարաբերությունների մշտական հանձնաժողովի անդամ Թևան Պողոսյանը՝ պատասխանելով հարցին, թե ո՞ր փուլում են գտնվում Լեռնային Ղարաբաղի հետ ռազմական փոխօգնության փաստաթուղթի պատրաստման աշխատանքները:
Հիշեցնենք, որ ապրիլի 2-ին Ազգային անվտանգության խորհրդի նիստում ՀՀ նախագահ Սերժ Սարգսյանն ասել էր. «Աշխատել Լեռնային Ղարաբաղի հետ ռազմական փոխօգնության պայմանագիր կնքելու ուղղությամբ: Անհրաժեշտ է պայմանագրի տեքստն ունենալ, համապատասխան քննարկումներ անցկացնել և ուղարկել Ազգային ժողով»:
Ըստ Թ.Պողոսյանի, բանակցային գործընթացից ելնելով են փորձում պահել հերթական այդ քարտը. «Եթե լինի ապրիլյան գործողությունների նման իրավիճակ, այդ ժամանակ կարող է ակտիվանալ, մեծածավալ պատերազմի վերսկսման դեպքում երևի միանգամից ճանաչում տեղի կունենա»:
Այսինքն, պատգամավորի խոսքով, տարբեր խաղաքարտերի իմաստով պահպանում են:
Միաժամանակ Թ.Պողոսյանն ընդգծեց, որ եթե հայտարարել են նման պայմանագիր կնքելու մասին, պետք է անեն:
Studio One