Ամենից շատ կարդացված նյութեր
.jpg "«Եթե մեր հորդորները չլսվեն, ի վիճակի ենք վնասազերծելու նրանց». Հունան Պողոսյան")
«Եթե մեր հորդորները չլսվեն, ի վիճակի ենք վնասազերծելու նրանց». Հունան Պողոսյան
Ոստիկանությունը և բոլոր իրավապահ մարմինները առաջին իսկ վայրկյանից հոդորել ու այժմ էլ հորդորում են նրանց հետ կանգնել հանցավոր մտադրություններից և հանձնվել իշխանություններին,- ՊՊԾ գնդի մոտ լրագրողներին հայտնեց Հայաստանի փոխոստիկանապետ Հունան Պողոսյանը։
Նա հայտարարեց, որ ոստիկանությունը և իրավապահ ողջ համակարգը ունեն ուժեր ու միջոցներ, ձեռնարկում ու ձեռնարկելու են անհրաժեշտ կանխարգելիչ և օպերատիվ հետախուզական միջոցառումները։
«Եթե մեր հորդորները չլսվեն, մենք ի վիճակի ենք վնասազերծելու նրանց, որովհետև մարդասպանների հետ այլ կերպ չեն վարվում», -հավելեց Պողոսյանը։
Հարցին, թե հստակ ժամկետ տրվա՞ծ է բանակցությունների ավարտի համար, փոխոստիկանապետը պատասխանեց. «Քանի դեռ չենք կորցրել ոչ մի հույս բանակցություններով ավարտելու այս ողջ գործընթացը, մենք շարունակելու ենք բանակցել»։
Ոստիկանության ՊՊԾ գունդը գրաված անձանց պահանջների մասին հարցին ի պատասխան Հունան Պողոսյանն ասաց, որ իշխանոթւյուններին ներկայացվել է մեկ պահանջ՝ Ժիրայր Սեֆիլյանին ազատ արձակելը։
Պաշտոնյան տեղեկացրեց, որ այսօր լուսադեմին մի խումբ անձին զինված ինքնաձիգներով և ատրճանակներով զինված հարձակում են գործել ՀՀ ոստիկանության Պարեկապահակային ծառայության (ՊՊԾ) գնդի վրա, մուտք են գործել տարածք ու այնտեղ բռնությամբ պահում են պատանդներ, որոնց թիվը 7-ն է։
Նա հաստատեց, որ պատանդների թվում է նաև Երևանի փոխոստիկանապետ Վալերի Օսիպյանը։ Պատանդների վերաբերյալ այլ մանրամասներ Պողոսյանը չփոխանցեց։
Նաև ընդգծեց, որ ՊՊԾ-ն գրաված անձանց կողմից վիրավորներ չկան։
Studio One