Ամենից շատ կարդացված նյութեր
.jpg "ՊՊԾ գունդը շարունակվում է մնալ զինված խմբի ձեռքում")
ՀՀ ոստիկանության պարեկապահակային ծառայության գնդի տարածքում արդեն մեկ օրից ավելի է զինված «Սասնա ծռեր» խումբը պատանդ է պահում մի խումբ ոստիկանների: Գիշերն անցել է առանց որևէ միջադեպի, ոստիկանական ուժերը շրջափակված են պահում տարածքը: Գիշերը ՊՊԾ գնդի տարածք է գնացել ՀՀ ոստիկանության պետ Վլադիմիր Գասպարյանը, մի քանի րոպե զրուցել տարածքը հսկող ոստիկանների հետ:
Զինված խումբը պատանդների ազատման դիմաց պահանջում են ազատ արձակել մոտ մեկ ամիս առաջ մի խումբ անձանց կողմից ապօրինի կերպով զենք և ռազմամթերք ձեռ բերելը, փոխադրելը և պահելը կազմակերպելու մեղադրանքով կալանավորված Ժիրայր Սեֆիլյանին:
ԱԱԾ-ն հայտարարել է, որ բանակցությունների միջոցով իրավասու պետական մարմինների ներկայացուցիչները փորձում են համոզել ահաբեկիչներին զերծ մնալ մարդկանց կյանքը և առողջությունը վտանգող հետագա գործողություններից, ազատ արձակել պատանդներին, վայր դնել զենքը և առանց դիմադրության հանձնվել իշխանություններին:
Նախագահ Սերժ Սարգսյանը նախօրեին խորհրդակցություն էր անցկացրել իրավապահ համակարգի պատասխանատուների հետ: Ընդգծվել էր, որ իրավապահ մարմիններն ամբողջությամբ վերահսկում են իրավիճակը և ձեռնարկում են բոլոր անհրաժեշտ միջոցները հանգուցալուծման հասնելու համար:
ՊՊԾ գնդի վրա զինված հարձակման հետևանքով նախօրեին սպանվել է ՀՀ ոստիկանության Երևան քաղաքի վարչության պարեկապահակետային գնդի հրամանատարի տեղակալ, ոստիկանության գնդապետ Արթուր Վանոյանը: 4 հոգի վիրավոր են:
Studio One